المكونات
5 كيلو دقيق
معلقتين ملح
قطعة خميره
ماء للعجن
طريقة التحضير
بنحط الملح عالدقيق وندوب الخميرة فى شوية مية ونحطهم عالدقيق ونضع الماية شوية بشوية وكل ما نحط شوية نعجن ونفضل نحط ونعجن لحد ما نلاقى الدقيق اختفى نجمد بقى ونلت العجين كويس يعن نعجنه كويس واول ما نلاقى ايدينا بدات تنضف من العجين والعجينة اتلمت يبقى كدة تمام
ونسيبه لمدة ساعة يخمر بس لازم نغطيه بقماشة ونحيط عليه كوفرتة مثلا ولا حاجة عشان يدفى
ولو عاوزينه يخمر بسرعة ندفى المية بتاعت العجن ونزود الخميرة شوية
بعد كدة نعمله كور
نبططه نحط تحطه وفوقه دقيق ونفرده بالنشابة
نحطه على صينية ولما تكمل رص نحط فوقها قماشة ونحط اللى حنبططه فوقيها يعنى هنحط العيش فوق بعض طبقات وبين كل طبقة وطبقة قماشة نضيفة ولما نخلص خالص نسيبه يرفع حوالى نصف ساعة
نحطه فى الفرن
الجمعة يونيو 06, 2014 12:38 pm