يا حلاوتك يا ستفندى يا بن عم البرتقان يا حلاوتك وانت طارح فى الجنينة في الأوان
عروستنا ف بيت أبوها أربعه بيزوقوها
وعريسنا يقول هاتوها دى وحشانى من زمان
يا حلاوتك يا ستفندى يا بن عم البرتقان
يا حلاوتك وانت طارح فى الجنينة في الأوان
عريسنا ف بيت أبوه أربعه بيلبسوه
وعروستنا تقول هاتوه دا وحشنى من زمان
يا حلاوتك يا ستفندى يا بن عم البرتقان
يا حلاوتك وانت طارح فى الجنينة في الأوان
خدناها خدناها ... خدناها خدناها
قولوا لابوها يتعشي
خدناها من ع الفرشة
صبوا لأبوها يغسل أيديه
خدناها وضحكنا عليه
خدناها خدناها
خدناها بالسيف الماضي
وابوها مكنش راضي
وعلشانها بعنا الاراضي
الحلوه اللي كسبناها
خدناها بالملايين
واهلها ما كانوش راضيين
وعلشانها بعنا الفدادين
الحلوه اللي كسبناها
خدناها خدناها
خدناها بالسيف والقوة
وأبوها راجل فتوة
وعلشانها بعنا الاراضي
الحلوه اللي كسبناه
الجمعة يونيو 13, 2014 9:45 pm